Hold-apa ko palihug

Sundi ko sa Maguikay
ug kung makabantay ko ug mulikay,
sunod gihapon, bahala'g magdinaganay

Tan-awa akong gasayaw-sayaw nga lubot,
akong mga bulsa nga buslot
nga makapagilok sa imong mga kamot

Inig makatayming, idotdot ko sa daplin
Ug para way makadungog nga lain,
itukmod sa ngilit nga bahin

Ug ti-uni ko:

Ti-uni ko
sa imong ha-it nga tinutukan

Ti-uni ko
sa imong ngisi nga makagisi

Ti-uni ko
sa imong braso nga gabugdo

Ti-uni ko
sa imong baho nga makapahiyom

Ti-uni ko
sa imong tingong nga makapakurog


Hold-apa ko palihug

Ti-uni ko’s imong kasingkasing
ug labnuta akong pagpanampiling